ჩემი ქვეყანა არვის წინაშე დამნაშავე არ არის!

აღარ ვიცი მერამდენედ ვწერ უკვე ამ თემაზე. ყოველგვარ ზღვარს გადავიდა ის დამოკიდებულება რომელსაც ამჟამინდელი ხელისუფლება დღევანდელი დღისადმი და 2008 წელს განვითარებული მოვლენების მიმართ ამჟღავნებს. ალბათ პირველად ხდება მსოფლიო ისტორიაში რომ ქვეყნის ხელისუფლება, საკუთარი ერის დადანაშაულებას ცდილობს ქვეყნის სუვერენიტეტის დაცვასა და მტრის წინაშე ბრაძოლისათვის. 

დღევანდელ დღეს მაშინ როდესაც სეპარატისტული და რუსული მედია ჩვენი დამცირებითა და ისტორიის გაყალბებით აქტიურად არის დაკავებული, საქართველოდან "პასებს" აწვდის ხელისუფლება. ქვეყნის ხელისუფლება რომელსაც რუსეთი, სეპარატისტების დაცვის საფარქვეშ, თავს დაესხა და ლამის მიწასთან გაასწორა. აუტანელი და ამაზრზენია ის კომენტარები, რომელსაც დღეს ვისმენთ. ამ დღეს როდესაც მთელი ქვეყანა უნდა ვერთიანდებოდეთ და ერთად ვეძახდეთ მტერს რომ გაეთრიოს ჩვენი ქვეყნიდან. 

ეს არის ხელისუფლება რომელსაც ქვეყნის მოსახლეობის ძალიან დიდმა ნაწილმა მისცა ხმა და არ მინდა დავიჯერო რომ დღეს ამ განცხადებების მოსმენისას, ეს ადმაინები უხერხულობას არ გრძნობენ. რუსეთი არის ჩვენი მტერი და ეს უნდა ითქვას. მტრის წინაშე დადანაშაულება, ვინც არ უნდა იყოს და არაც არ უნდა ჰქონდეს ჩადენილი, არის ღალატი და მტრის წისქვილზე წყლის დასხმა, მეტი არაფერი. არ აქვს გამართლება არავითარი, ამ ქმედებას და განცხადებებს ეს არის ერის მოწამვლა და ბრძოლის სურვილის დაკარგვის, დამარცხებასთან შეგუების მიზანმიმართული მოქმედება. სხვა რამეა როდესაც სამხედროები სწავლობენ ოპერაციის დეტალებს, ეს ჩვეულებრივი ამბავია და ყველა კონფლიქტის შემდეგ ხდება ყველა ქვეყნაში, მაგრამ როდესაც პოლიტიკოსები ასეთი განცხადებებს აკეთებენ და აშკარად მტრისთვის სასარგებლო პოზიციას იკავებენ, ამას ღალატი ჰქვია! სხვა სახელი არ შეიძლება ამ ყველაფერს ეწოდოს. წარმოუდგენელია  ეს ყველაფერი რაც ხდება, მინდა რომ ძალიან ვცდებოდე და მე ვიყო ის უვიცი ობივატელი, რომელსაც პოლიტიკის არაფერი გაეგება მაგრამ რა ვუყო იმ სტატიებსა და სიამოვნებით გაჯერებულ სტატიებსა თუ კომენტარებს, რომელსაც რუსული და სეპარატისტული მედია ავრცელებს. 

ყველაფერი წარმავალია, მათ შორის ძალაუფლებაც და ეს მდგომარეობა დიდ ხანს ვერ გაგრძელდება. ადრე თუ გვიან თქვენი მმართველობაც დასრულდება და ვიღაც აუცილებლად დაინტერესდება იმ ქმედებებით, რომელსაც დღევანდელი ხელისუფალნი სჩადიხართ. 

ჩემი ქვეყანა არავის წინაშე, მით უმეტეს სეპარატისტებისა და რუსების წინაშე დამნაშავე ვერ იქნება. ვერც იმ გადაწყვეტილებაში იქნება დამნაშავე რომ სეპარატისტებს გახსნილ ცეცხლზე უპასუხოს, ვერც იმაში რომ ტერიტორიული მთლიანიბის აღდგენა სცადოს და იმ ადამიანებს, რომლებმაც ჩემი ერის წარმომადგენლები უმოწყალოდ ხოცეს და სახლებიდან გამოყარეს, ტყვიები დაუშინოს!